Pa konprann-dè-di, dlo mousach sé let, chyen ka fè chat, koko sé zabriko, é lalin sé fomaj.

Pa konprann-dè-di, poul ké jen ni dan, é solda ki lévé ta ké trapé kafé fò.
Pa konprann-dè-di, sa’w pa jen simé, sa’w pa jen rouzé, ou ké rékolté’y.
Pa konprann-dè-di, on vyé kannari sa la pou jété, é on jenn ti bway ja konprann la vi.
Pa konprann-dè-di,  ponm-fwans sé pou nèg, papay pou milat, mango pou kochon, é frez pou béké.
Pa konprann-dè-di, latè sé poubel, é on pyé-bwa fèt pou baré lari.

Pa konprann-dè-di …

Jean S. Sahaï